Loksins búin að kaupa sófa ;)

Já í dag gerðist nokkuð merkilegt! Við Haukur fórum í Mega möbler og keyptum okkur sófa! Þó fyrr hefði verið;) Það sem gerði útslagið var að Haukur var veikur heima og enginn sófi til að krassa í og glápa á videó!!! Og eins og allir vita þá er það alveg lífsnauðsynlegt þegar að maður er veikur!!
Það versta er við fáum hann ekki fyrr en eftir 3 vikur! En það er bara eðlilegur biðtími hér í Danmörku ;)
Á morgun er árshátíð í skólanum mínum, þetta er svona gala árshátíð þar sem að allar deildir háskólans mæta eða um 8000 manns!! Hvorki meira né minna!! Við Haukur erum á borði númer 119! Maturinn og árshátíðn sjálf er í skólanum sjálfum sem að manni finnst svolítið einkennilegt því að maður er vanur að fara á einhverja svona fensí staði! En það er örugglega bara út af mannfjöldanum ;)
Annars er bara brjálað að gera í skólanum, mikið af skilaverkefnum og langir skóladagar! Eiginlega bara fáránlega langir dagar, er núna tvisvar í viku frá svona 9 að morgni til 6 að kvöldi! En það er nú reyndar breytilegt eftir vikum! Danir telja allt í vikum en ekki mánuðum eins og við, t.d. er núna 40 vika og við fáum sófan í 43 viku og allt þar fram eftir götunum.
Það var erfitt að átta sig á þessu fyrst þegar að maður kom hérn en þetta vandist fljótt svona eins og allt annað hérna ;)
Nú er ég farinn að taka til í þessari íbúð...