2 dagar...

Jæja er nú ekki kominn tími á smá blogg...
Það er nú reyndar ekki frá mörgu að segja en það er nú allt í lagi að láta vita af sér annað slagið.
Í dag eru 2 dagar í settann dag og þolinmæðin alveg að þrotum komin :) Ég er að vona að þetta fari bara af stað í dag eða á næstu dögum. Maður er orðin svo forvitin og langar svo að sjá hvernig þetta litla kríli manns lítur út, já og bara fá það í hendurnar :) Eftir plat hríðarnar fyrir um 2 vikum síðan hefur bara ekkert meira gerst, sem er kannski bara ágæt því að nú er ég svona nokkurn veginn búin að gleyma hvað þetta var sárt :)

Í kvöld verður svo fyrsti saumaklúbbur haustsins á Raskinu. Uuuummmm kökur... Það er nú reyndar solldið skemmtilegt að segja frá því að í fyrra fór ein af stað í einum af okkar frægu saumaklúbbum. Hún lét nú ekki mikið fyrir því fara kvaddi bara pent og daginn eftir kom í ljós að hún hafði misst vatnið og að lítill drengur væri kominn í heiminn :) Engin okkar átti von á þessu þar sem að þetta gerðist nú 2 mánuðum fyrir tímann og héldum við allar að hún væri bara þreytt og væri að fara heim að sofa :)
Það verður spennandi að sjá hvort að gellurnar í saumó geti haft sömu áhrif á mig. Það er nú ekkert lítið hlegið þannig að það ætti nú kannski að koma einhverri hreyfingu á þetta :)
Og ef ekki þá get ég nú bara skellt mér í bíó á "Over the hedge", mér var alla vega sagt að hún væri sprenghlægileg!

En jæja ætli maður þurfi nú ekki að fara að klæða sig í föt og gera eitthvað að viti... svona eins og að klára púslið sem að ég er að púsla eða búa um rúmið :)

Það eru komnar nýjar bumbumyndir inn fyrir forvitna sem að vilja sjá huges kúlu :)

Knús frá Dk Heiðrún og bumbukríli.