Loksins, loksins, loksins!!!

Loksins erum við komin með þetta blessaða internet! Það er nú búið að taka tímana tvo og rúmlega það! Við pöntuðum það í kringum 18. des og það var að koma í dag 30. janúar :) Þetta er svo ótrúlega danskt að það hálfa væri nóg :)
Þetta er það sama með sjónvarpið, við vorum að panta okkur fleiri stöðvar í byrjun síðustu viku og í dag fékk ég bréf um það að opnað yrði fyrir rásirnar þann 7. febrúar!!! Það er ekki eins og þeir þurfi að senda einhvern hingað til þess að setja þetta upp! nei það verður opnað 7. febrúar. Þetta er einn helv... takki geta þeir ekki bara opnað þetta núna? já ég get stundum pirrað mig svolítið á þessu kerfi hérna. Ég bara skil ekki af hverju allt þarf að taka svona rosalega langan tíma. Ef að eitthvað fyrirtæki reyndi þetta heima á Íslandi þá myndi það alveg örugglega fara fljótlega á hausinn! Þar lætur fólk ekkert bjóða sér þetta. Hér er ekkert annað hægt því að öll fyrirtækin eru alveg eins :)

Núna erum við svona smátt og smátt að koma okkur fyrir í þessari stóru íbúð. Verst bara að við eigum engin húsgögn inn í hana! okkur vantar allt nema sófasettið og sjónverpið :) Erum svona að spá og spekulera hvernig best sé að setja hana upp og hvort að við höfum efni á því sem að við viljum gera. Og ef ekki hvort að það sé þess virði að bíða og spara fyrir því.

Þórir Björn er orðinn alveg rosalega stór og duglegur. Hann var mældur og skoðaður 17. janúar síðastliðinn og mældist hann þá 7,7 kg og 65 cm. Ekkert smá duglegur að vaxa. Hann er líka orðinn alveg ótrúlega brosmildur, hann brosir hreinlega allann daginn og ef að hann er ekki brosandi þá er hann skelli hlægjandi! Alveg yndislegur. En ég er nú hrædd um að hann eigi eftir að verða alger tætibuska hann er þegar farinn að rífa í allt sem að hann kemst í og henda því sem að hann nær taki á :)

Annars er ég byrjuð að vinna í að setja inn myndir af barninu þar sem að við erum búin að vera netlaus í ja langan tíma. Þetta gæti tekið smá tíma en þetta kemur allt. Læt fylgja eina mynd sem að Haukur tóka af honum um daginn.




















Jæja verð að fara að sinna guttanum...

Þórir Björn Hauksson

Já litli guttinn okkar var skírður í dag og hlaut hann nafnið Þórir Björn. Skírnin fór fram í sal Stangaveiðifélags Hafnarfjarðar þar sem að hann var skírður ásamt lilta frænda sínum. Litli frændi hlaut nafnið Hávarr Hrafn. Frændurnir litlu voru báðir til fyrirmyndar í dag! Algerir gæjar. Þó svo að það hafi komið svolítið ljón í litla frændann í sjálfri skírninni, aðeins að sýna fólkinu hvað hann er með sterk og falleg lungu :)

Annars hefur nú aldeilis margt gerst frá því að ég bloggaði síðast! Við erum flutt í nýja íbúð, erum búin að vera á Íslandi í 2 vikur og svo allt þess á milli :) Ég hef ekkert bloggað þar sem að, eins og fyrr er nefnt, við vorum að flytja og erum ekki komin með neitt net! Eins gott að nýta tækifærið og blogg hjá mömmu og pabba :)

Litli guttinn okkar dafnar sko heldur betur vel! Hann er eiginlega bara orðinn hálf búttaður :) Hann er farinn að hjala og hjala og skelli hlægja af fyndni foreldra sinna! (Þeim finnst þau allavega vera rosalega fyndin!!) Hann er meira að segja farinn að grípa um dótið sitt og setja það rakleitt í munninn á sér :) Orðinn ekkert smá stór!
Hann er samt því miður búin að vera svolítið lasin. Einhver leiðindar þvagfærasýking að hrjá greyið. Búinn að vera með mikinn hita og hálf slappur eitthvað greyið! Hann er nú samt búin að fá pensilín og er allur að braggast :)

En jæja nú verð ég að fara að sofa ég er gjörsamlega útkeyrð eftir daginn.

Knús þar til næst

Heiðrún ofurþreytta